أُشكُر ربّك عالنِّعـمِه 

اللّي انتَ فيها  

لا تْحَـوِّلـها لَنَـقـمـِـه 

وتِقسا عليـها  

___________    

لَمّـا الصِّحـَّه مليـحَـه  

كُل شي بيهون  

ولَمّا افكارَك صريحَه 

براحَه بِتـكـون   

وإذا دروبَك صحيحَه 

وعُمرَك ما نْخون 

وِبتـِعـطي النَّصيـحَـه 

بتِــفـرَح فــيـهــا 

____________  

لا تْروح تحاجج ربَّك 

عَالنَّقص ال فيك 

ألله الـخـالـق بيحـِبّـَـك 

ما بيِقسا عـلـيك 

سَــلِّـم للــرَّبِّ دربَــك 

هو بـيراعــيـك 

ما يوم رايِـح يسـيبـَك 

مـالَـك بــيـهــا